10-13 noyabr tarixlərində Şimal Dres qəsəbəsindəki Ağır Atletika Akademiyasında ağır atletika üzrə kişilər və qadınlar arasında Azərbaycan Kuboku keçirilir. Yarışda ölkənin bütün regionlarında fəaliyyət göstərən klub və idman cəmiyyətlərindən 200-ə yaxın atlet çıxış edir.
Son yarış gününə çəkisi 85 kq-a qədər olan atletlər start veriblər. Maraqlıdır ki, iştirakçıların bir çoxu ya birdən, ya da təkanla qaldırma hərəkətində sıfır nəticə göstəriblər. Çempionluq mübarizəsi isə gərgin alınıb. Toplam 302 kq (136+166) nəticə göstərən Ceyhun Tağızadə qızıl medala sahib çıxı. Gümüş medalı qazanan Kamran İsmayılov da 302 kq (140+162) nəticə nümayiş etdirib. Ancaq onun şəxsi Ceyhundan çox olduğundan qələbə Tağızadənin olub. Bürünc medala isə 281 kq (131+150) nəticə ilə Sənan Mirzəyev layiq görülüb.
Əlavə edək ki, çəkidə yeniyetmələr və gənclər arasında medalçılar da müəyyən edilib. Gənclərdə qızıl medala Mirzəyev Sənan, gümüş medala Qasımlı Sərxan, bürünc medala Ümidov Salar layiq görülüb. Yeniyetmələrin mübarizəsində isə qızıl medal yenidən Mirzəyev Sənana, gümüş medal isə Ümidov Salara qismət olub. Bu yaş qrupunda bürünc medalçı olmayıb.
Kubokun təşkilatçıları Azərbaycan Ağır Atletika Federasiyasi və Azərbaycan Gənclər və İdman Nazirliyidir.
| N | Ad | Klub | Şəhər | İl | ŞÇ | B. | Tək. | Top. |
| 1. | Tağızadə Ceyhun | Zirvə | Lənkəran | 1995 | 84.70 | 136 | 166 | 302 |
| 2. | İsmayılov Kamran | Zirvə | Sumqayıt | 1995 | 85.00 | 140 | 162 | 302 |
| 3. | Mirzəyev Sənan | Spartak | Bakı | 1999 | 84.10 | 131 | 150 | 281 |
| 4. | Qasımlı Sərxan | Zirvə | Qazax | 1998 | 84.20 | 107 | 140 | 247 |
| 5. | Ümidov Salar | Təhsil | Bakı | 2001 | 77.40 | 90 | 110 | 200 |
| 6. | Qocayev Emin | Təhsil | Gəncə | 1988 | 84.60 | 0 | – | – |
| 7. | Hüseynov Mirhüseyn | Zirvə | Xırdalan | 1994 | 85.00 | 0 | – | – |
| 8. | Cəmilov Namiq | UGİM | Gəncə | 1983 | 84.30 | 0 | – | – |
| 9. | Əliyev Ayaz | Spartak | Bakı | 1996 | 80.10 | 95 | 0 | – |
| 10. | Məmmədov Həsən | Zirvə | Goranboy | 2001 | 80.40 | 85 | 0 | – |
The requested album cannot be loaded at this time. Error: OAuthException Code: 10, (#10) Application does not have permission for this action
