Şüvəlan qəsəbəsindəki Ağr Atletika Akademiyasının yarış zalında ağır atletika üzrə Azərbaycan Kuboku başa çatıb. 77 kq çəki dərəcəsində fəxri kürsünün ən yüksək pilləsinə Lənkəran atleti Kənan Əliquliyev qalxıb. O, toplam 278 kq (123+155) nəticə ilə bütün rəqiblərini üstələyib və qızıl medal qazanıb. Yarışın qalibi daha sonra federasiyanın rəsmi saytı və AAAF TV-yə açıqlama verib:
“Yarış çox yaxşı keçdi və mən də qələbə qazana bildim. Əziyyəti olan məşqçilərimə, xüsusən də şəxsi məşqçim olan atama təşəkkürümü bildirirəm”.
