24-25 mart tarixlərində Şüvəlan qəsəbəsində yerləşən Ağır Atletika Akademiyasının yarış zalında keçirilən kişilər, qadınlar və ustadlar arasında Azərbaycan çempionatı davam edir. Azərbaycan Gənclər və İdman Nazirliyi və Azərbaycan Ağır Atletika Federasiyasının birgə təşkil etdiyi yarışda ölkənin bütün bölgələrindən 100-ə yaxın atlet qüvvəsini sınayır.
Çəkisi 62 kq-a qədər olan kişi ağır atletlərin mübarizəsi maraqlı alınıb. Fəxri kürsünün ən yüksək pilləsinə toplam 245 kq (110+135) nəticə göstərən Allahyar Abışov yüksəlib. İkinci yerdə toplam 241 kq (105+136) nəticə ilə Ruslan Rzazadə, üçüncü yerdə isə toplam 240 kq (108+132) nəticə ilə Elməddin Hüseynov qərarlaşıb.
Qalibləri təbrik edirik!
Azərbaycan Xalq Cümhuriyyətinin 100 illiyinə həsr olunmuş çempionatın təşkilində məqsəd idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.
| N | Adı | İl | Şəhər | Klub | Çəki | Birdən | Təkanla | Toplam |
| 1. | Abışov Allahyar | 1995 | Bakı | Təhsil | 110 | 135 | 245 | |
| 2. | Rzazadə Ruslan | 1998 | Lənkəran | Zirvə | 105 | 136 | 241 | |
| 3. | Hüseynov Elməddin | 2001 | Şamaxı | Zirvə | 108 | 132 | 240 | |
| 4. | Əliyev Murad | 2003 | Sumqayıt | Zirvə | 96 | 110 | 206 | |
| 5. | Muxtarlı Novruz | 2002 | Sumqayıt | Təhsil | 88 | 110 | 198 | |
| 6. | Heydərov Seymur | 2001 | Neftçala | Zirvə | 88 | 107 | 195 | |
| 7. | Qəzənfərov Mehman | 1998 | Gəncə | Təhsil | 90 | 105 | 195 | |
| 8. | Heydərov Cavid | 2002 | Neftçala | Zirvə | 85 | 102 | 187 | |
| 9. | Sahibov Həsənağa | 2002 | Qobustan | UGİM | 85 | 101 | 186 | |
| 10. | Qasımov Rüstəm | 2002 | Lənkəran | Təhsil | 0 | 133 | 0 | |
| 11. | Qocayev Yaqub | 2001 | Qazax | UGİM | 8 | – | – | |
| 12. | Məmmədov İsmayıl | 2000 | Lerik | Zirvə | 84 | 0 | – |
