Azərbaycan Respublikasının Prezidenti Cənab İlham Əliyevin Azərbaycan Respublikasında gənclərlə iş və idman sahəsində çalışan şəxslərin təltif edilməsi haqqında sərəncamına əsasən Azrbaycan Gənclər və İdman Nazirinin müavini, Azərbaycan Ağır Atletika Federasiyasının vitse-prezidenti İsmayıl İsmayılov yüksək mükafata layiq görülüb.
Dövlət başçımızın Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq aldığı qərara görə, “Azərbaycanda gənclərlə iş sahəsində səmərəli fəaliyyətlərinə, bədən tərbiyəsi və idmanın inkişafında xidmətlərinə görə” İsmayıl Sultan oğlu İsmayılov 2-ci dərəcəli “Vətənə xidmətə görə” ordeni ilə təltif edilib.
Azərbaycan Ağır Atletika Federasiyası olaraq İsmayıl müəllimi bu münasibətlə təbrik edir, ona işlərində böyük uğur və müvəffəqiyyətlər arzulayırıq!
