9-10 aprel tarixlərində Şüvəlan qəsəbəsində yerləşən Ağır Atletika Akademiyasının yarış zalında keçirilən kişilər və qadınlar arasında ağır atletika üzrə Azərbaycan çempionatı davam edir. Azərbaycan Gənclər və İdman Nazirliyi və Azərbaycan Ağır Atletika Federasiyasının birgə təşkil etdiyi yarışda ölkənin bütün bölgələrindən 100-dən çox atlet qüvvəsini sınayır.
Kişilər arasında körpücük üzərinə ilk olaraq çəkisi 55 kq-a qədər olan idmançılar çıxıblar. Toplam 179 kq (82+97) çəkinin öhdəsindən gələn Hacıağa Məmmədov qızıl medala layiq görülüb. Toplam 167 kq (80+97) nəticə olə Dəniz Cabbarlı ikinci, toplam 165 kq (80+85) nəticə ilə Ramiz Kərimov üçüncü pillədə qərarlaşıblar.
Çempionatın təşkilində məqsəd ağır atletika idman növünün şəhər, rayon, qəsəbə və kəndlərdə təbliği və inkişafına dəstək verilməsi, idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.
| Yer | Adı | İl | Şəhər/Rayon | Klub | Çəki | Birdən | Təkanla | Toplam |
| 1 | Dəniz Cabbarlı | 2006 | Lənkəran | UGİM | 51.70 | 80 | 97 | 177 |
| 2 | Ramiz Kazımov | 2006 | Neftçala | Zirvə | 54.60 | 80 | 85 | 165 |
| 3 | Akif Abdullayev | 2007 | Xırdalan | Zirvə | 55.00 | 75 | 90 | 165 |
| 4 | Amin Osmanov | 2006 | Qazax | UGİM | 53.00 | 67 | 92 | 159 |
| 5 | İlkin Mirzəyev | 2005 | Bakı | Təhsil | 54.80 | 70 | 80 | 150 |
| 6 | Fərman Quluzadə | 2005 | Goranboy | UGİM | 54.00 | 65 | 80 | 145 |
| 7 | Aysim Əliyev | 2007 | Goranboy | Təhsil | 50.80 | 57 | 70 | 127 |
| 8 | Azər Mənsimov | 2006 | Sumqayıt | Təhsil | 55.00 | 55 | 68 | 123 |
| 9 | Riad Rzayev | 2007 | Neftçala | UGİM | 55.00 | 55 | 65 | 120 |
| 10 | Nihad Zairov | 2006 | Bakı | Təhsil | 44.40 | 55 | 60 | 115 |
| DSQ | Hacıağa Məmmədov * | 2007 | Lənkəran | UGİM | – | – | – | – |
* Qeyd: AMADA-nın 4 avqust 2022-ci il qərarına əsasən Hacıağa Məmmədovdan götürülən dopinq testin nəticəsi müsbət çıxdığından onun göstərdiyi nəticə ləğv olunmuş hesab edilir.
