18-19 iyun tarixlərində Bakı İdman Sarayında Vətən müharibəsi şəhidlərinin xatirəsinə həsr olunmuş “Qələbə” İdman Festivalı keçirilib. Gənclər və İdman Nazirliyi, Azərbaycan Milli İdman Növləri Assosiasiyası, Sumo Federasiyası, INBA Qlobal Azərbaycan Birliyi, “Qələbə” Ağır Atletika İdman Klubu və “Makkabi” Mədəni-İdman İctimai Birliyinin birgə təşkilatçılığı ilə keçirilən tədbirdə ağır atletika, aykido, akrobatika gimnastikası, cüdo, karate, kəndirlə mübarizə, natural bodibildinq və fitnes, sumo, mas-reslinq, milli güləş, kəmər güləşi, ənənəvi oxatma, zorxana, dama və nərd idman növlərində iştirakçılar bacarıqlarını göstəriblər.
Festivalda ağır atletika üzrə yarış maraqlı mübarizə şəraitində keçib. Turnirdə medal uğrunda yeniyetmə qızlar və oğlanlar yarışıblar. Qaliblər Sİnkleyr cədvəli üzrə müəyyən edilib.
Oğlanlarda toplam 195 kq (87+108) çəki və 296.25 xalla Hacıağa Məmmədov qızıl medala sahib çıxıb. Gümüş medalı Turan Əliyev, bürüncü isə Həsən Babayev qazanıblar.
Qızlarda isə toplam 58 kq (25+31) çəki və 136.78 xalla Nuray Əbilova fəxri kürsünün ən yüksək pilləsinə qalxıb. SOnrakı yerləri müvafiq olaraq Arzu Qədimova və Aytən Əliyeva tutublar.
Təbrik edirik!
Oğlanlar
| N | Adı | İl | Ölkə/Şəhər | Klub | Çəki | Birdən | Təkanla | Toplam | Xal |
| 1. | Hacıağa Məmmədov | 2007 | Lənkəran | UGİM | 56.65 | 87 | 108 | 195 | 296.25 |
| 2. | Turan Əliyev | 2007 | Sumqayıt | Təhsil | 62.0 | 94 | 111 | 205 | 291.95 |
| 3. | Həsən Babayev | 2007 | Şərur | Təhsil | 85.05 | 97 | 125 | 222 | 263.57 |
| 4. | Hüseyn Heydərov | 2008 | Lənkəran | Təhsil | 76.0 | 103 | 123 | 226 | 284.08 |
| 5. | Yaşar Qurbanov | 2007 | Bakı | Spartak | 70.00 | 75 | 105 | 180 | 237.19 |
| 6. | Orxan İmanov | 2007 | Lerik | UGİM | 51.15 | 65 | 75 | 140 | 230.17 |
| 7. | Məmməd Əhmədzadə | 2007 | Abşeron | Zirvə | 70.25 | 77 | 85 | 162 | 213.10 |
| 8. | Sadiq Əliquliyev | 2009 | Lənkəran | Zirvə | 129.0 | 57 | 80 | 137 | 141.13 |
| 9. | Rəbbani Niftəliyev | 2008 | Sumqayıt | Təhsil | 99.00 | 58 | 65 | 123 | 136.89 |
Qızlar
| N | Adı | İl | Ölkə/Şəhər | Klub | Çəki | Birdən | Təkanla | Toplam | Xal |
| 1. | Nuray Əbilova | 2010 | Qazax | Göyəzən | 31.4 | 25 | 31 | 58 | 136.78 |
| 2. | Arzu Qədimova | 2009 | Sumqayıt | Təhsil | 75.0 | 45 | 56 | 101 | 120.32 |
| 3. | Aytən Əliyeva | 2008 | Qazax | Göyəzən | 60.9 | 38 | 50 | 88 | 117.77 |
| 4. | Jalə Əbilova | 2009 | Qazax | Göyəzən | 40.4 | 25 | 31 | 56 | 102.77 |
