Azərbaycanın bütün bölgələrini əhatə edən ağır atletika üzrə Respublika yarışlarının 1-ci seçmə mərhələsi yanvarın 26-da, AAAF Park Yaşayış Kompleksinin yarış zalında start götürüb. İlk yarış günündə qadınlar, həmçinin 2007-2002-ci illər təvəllüdlü oğlanlar körpücük üzərinə çıxıblar. Sumqayıt, Xırdalan, Qobustan, Şamaxı, İsmayıllı və Bakıdan (bütün idman cəmiyyətləri) olan təxminən yüzə yaxın atlet medal mübarizəsi aparıb. Qalib və mükafatçılar Sinkleyr cədvəli ilə müəyyən edilib, medal və diplomlar təqdim olunub.
Bu gün daha yüzə yaxın atletin qüvvəsini sınaması gözlənilir.
Xatırladaq ki, seçmə mərhələ yarışları Xırdalan, Lənkəran və Samux şəhərlərində keçiriləcək. Xırdalanda yanvarın 26-27-də Sumqayıt, Xırdalan, Qobustan, Şamaxı, İsmayıllı və Bakıdan (bütün idman cəmiyyətləri) olan atletlər mübarizəyə qoşulacaqlar. 29-30 yanvar tarixlərində Lənkəranda Cəlilabad, Neftçala, Lənkəran, Lerik və Astaranı, fevralın 1-2-də Samuxda Goranboy, Gəncə, Samux, Qazax, Şəki və Qaxı təmsil edən atletlər körpücük üzərinə çıxacaqlar.
Yarışların təşkilində məqsəd regionlarda atletlərin hazırlıq durumlarının yoxlanılması, ehtiyat qüvvənin nəzərdən keçirilməsi, güclü idmançıların seçilməsi, ağır atletika idman növünün şəhər, rayon, qəsəbə və kəndlərdə təbliği və inkişafı, idmançılar və məşqçılər arasında dostluq əlaqələrinin möhkəmləndirilməsi, idmançıların ustalıq səviyyəsinin artırılması və təkmilləşdirilməsidir.
Yanvarın 26-da bütün yaş qrupları üzrə keçirilən yarışıların nəticələri ilə aşağıda tanış ola bilərsiniz:
NƏTİCƏLƏR – 26 YANVAR 2017-Cİ İL
The requested album cannot be loaded at this time. Error: OAuthException Code: 10, (#10) Application does not have permission for this action