2-3 mart tarixlərində Şüvəlan qəsəbəsində yerləşən Ağır Atletika Akademiyasının yarış zalında kişilər, qadınlar və ustadlar arasında Azərbaycan çempionatı keçiriəcək. Yarışda ölkənin bütün bölgələrindən 150-yə yaxın atlet qüvvəsini sınayacaq.
Artıq ilk yarış qrupu arxada qalıb. Qadınlar qalibləri Sinkleyr cədvəli üzrə müəyyənləşdiriblər. Qızıl medala qazaxlı atlet Abbasova Elnarə sahib çıxıb. O, toplam 190 kq (84+106) nəticə və 250.47 Sinkleyr xalı ilə bütün rəqiblərini üstələyib.
Gümüş medalı isə qalibdən çox cüzi fərqlə geridə qalan Səbinə Əzimova qazanıb. O, toplam 167 kq (73+94) nəticə və 250.06 xalla kifayətlənib və fəxri kürsünün ikinci pilləsinə qalxıb. Bürünc medal sumqayıtlı atlet Firuzə İbrahimovaya qismət olub. O, toplam 170 kq (75+95) nəticə və 230.92 xal toplayıb.
Çempionatın təşkilində məqsəd idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.
Qadınlar. A qrupu.
| N | Adı | İl | Şəhər | Klub | Çəki | Birdən | Təkanla | Toplam | Xal |
| 1. | Abbasova Elnarə | 1997 | Qazax | Zirvə | 62.40 | 84 | 106 | 190 | 250.47 |
| 2. | Əzimova Səbinə | 2000 | Lənkəran | Zirvə | 51.75 | 73 | 94 | 167 | 250.06 |
| 3. | İbrahimova Firuzə | 1997 | Sumqayıt | Zirvə | 59.50 | 75 | 95 | 170 | 230.92 |
| 4. | Əlizadə Gülçin | 1997 | Qazax | Zirvə | 49.80 | 62 | 75 | 137 | 211.01 |
| 5. | Məmmədova Sona | 1999 | Qazax | Zirvə | 66.10 | 65 | 80 | 145 | 195.69 |
| 6. | Hüseynzadə Fidan | 2001 | Lənkəran | Zirvə | 62.90 | 64 | 80 | 144 | 189.09 |
| 7. | Siracova Şəbnəm | 1988 | Xırdalan | Zirvə | 48.00 | 51 | 63 | 114 | 180.69 |
| 8. | Fərəcova Şəfa | 2001 | Lənkəran | Zirvə | 52.40 | 46 | 63 | 109 | 161.60 |
| 9. | Nəzərli Gülbəniz | 2002 | Lənkəran | Zirvə | 48.50 | 46 | 54 | 100 | 157.21 |
| 10. | Məmmədova Xumar | 1997 | Goranboy | Zirvə | 87.50 | 63 | 76 | 139 | 154.83 |
| 11. | Əbdürrəhmanova Fidan | 1999 | Bakı | Spartak | 82.10 | 58 | 75 | 133 | 152.02 |
| 12. | İbrahimli Anastasiya | 1993 | Xırdalan | Zirvə | 71.00 | 0 | – | – | – |
| 13. | Vəliyeva Günel | 1997 | Xırdalan | Zirvə | 61.80 | 50 | 0 | – | – |
The requested album cannot be loaded at this time. Error: OAuthException Code: 10, (#10) Application does not have permission for this action
