Tailandın Banqkok şəhərində keçirilən yeniyetmələr arasında 7-ci dünya birinciliyinə davam edir. Yüzə yaxın ölkədən 445 atletin (197 qız və 248 oğlan) iştirak edəcəyi birincilikdə Azərbaycan yığması da medallar uğrunda mübarizə aparır. Bu gün millimizin üzvlərindən körpücük üzərinə Elvin Abdullayev çıxıb. O, 62 kq çəki dərəcəsinin C qrupunda yarışıb.
Elvin Abdullayev birdən qaldırma hərəkətində 100 kq-ı başı üzərinə qaldıraraq bu hərəkətdə 5-ci, təkanla qaldırma hərəkətində isə 124 kq-ı ram etdi və bu hərəkətdə 2-ci yeri tutdu. Toplam 224 kq (100+124) nəticə göstərən Abdullayev C qrupunda 4-cü oldu.
Atletimizin 62 kq çəki dərəcəsinin ümumi sıralamasında tutacağı yer B və A qrupundakı çıxışlar başa çatandan sonra məlum olacaq.
Birdən qaldırma
Təkanla qaldırma
