23-27 fevral tarixlərində Astara AAAF Park Yaşayış Kompleksinin yarış zalında 2003-04-cü il təvəllüdlü oğlan və qızlar arasında XI Respublika Oyunlarının ağır atletika üzrə yarışları keçirilib. Birincilikdə tabeçiliyindən asılı olmayaraq bütün idman məktəbləri, cəmiyyət və klubların üzvləri çıxış ediblər. Oyunlarda 100-dən çox yeniyetmə ağır atletin körpcükü üzərinə çıxaraq medal mübarizəsinə qoşulub.
Azərbaycan Respublikası Gənclər və İdman Nazirliyinin təşkilatçılığı ilə keçirilən yarışın açılış mərasimində Azərbaycan Ağır Atletika Federasiyasının baş katibi Rizvan Rəsulov, Astara rayon Gənclər və İdman İdarəsinin rəisi Ərçə Əliyev və Azərbaycan Gənclər və İdman Nazirliyinin məsul işçisi Fəxrəddin İsmayılov iştirak edərək nitq söyləyiblər. Natiqlər ölkəmizdə idmanın inkişafının göz önündə olduğunu, hər keçən gün qazanılan uğurların, yeridilən idman siyasətinin nəticəsi olduğunu qeyd ediblər. Bildirilib ki, yeniyetmələrin yarış təcrübəsi qazanması gələcək qələbələrin təməli rolunu oynayacaq və belə birinciliklər bu baxımdan böyük əhəmiyyət daşıyır. Sonra Azərbaycan Respublikasının Dövlət Himni səslənib.
Yarışlar 10 çəki dərəcəsində aparılıb. Qızıl medalları müvafiq olaraq Abdullayev Hüseyn (30 kq), Rəhimov Kənan (34 kq), Yusibov Heydər (38 kq), Həsənov Fuad (42 kq), Heydərzadə Elvin (46 kq), Məmmədov Elşən (50 kq), Əliyev Murad (56 kq), Şükürlü Əli (62 kq), Quliyev Əli (69 kq) və Məmmədov Elmurad (+69 kq) qazanıblar.
Bütün nəticələr və yarışdan şəkillərlə aşağıda tanış ola bilərsiniz:
The requested album cannot be loaded at this time. Error: OAuthException Code: 10, (#10) Application does not have permission for this action