Yığma komandamızın lideri, Avropa çempionu, Dünya çempionatının gümüş mükafatçısı Dadaş Dadaşbəyli 2025-ci ilin “İdman səfiri” seçilib. Bu qərar martın 18-də Gənclər və İdman Nazirliyinin Kollegiya iclasında verilib.
2025-ci il üçün “İdman səfirləri”nin təqdimatlarından sonra səsvermə yolu ilə 11 namizəd arasından 5 nəfər “İdman səfiri” seçilib. Dadaş Dadaşbəyli ilə yanaşı, bu ada Aliyə Paşayeva (bədii gimnastika), Fəridə Əzizova (taekvondo), Orxan Səfərov (cüdo) və Xəyyam Orucov (milli idman növləri) layiq görülüblər.
