Azərbaycanın bütün bölgələrini əhatə edən ağır atletika üzrə Respublika yarışlarının 1-ci seçmə mərhələsi davam edir. Atletlər artıq Lənkərandakı yarışı da arxaya qoyublar. Burada 29-30 yanvar tarixlərində Cəlilabad, Neftçala, Lənkəran, Lerik və Astaranı təmsil edən ağırlıqqaldıranlar körpücük üzərinə çıxıblar. Ümumilikdə 200-ə yaxın atlet Lənkərandakı iki yarış günündə medal üçün qüvvəsini sınayıb.
Yarışların təşkilində məqsəd regionlarda atletlərin hazırlıq durumlarının yoxlanılması, ehtiyat qüvvənin nəzərdən keçirilməsi, güclü idmançıların seçilməsi, ağır atletika idman növünün şəhər, rayon, qəsəbə və kəndlərdə təbliği və inkişafı, idmançılar və məşqçılər arasında dostluq əlaqələrinin möhkəmləndirilməsi, idmançıların ustalıq səviyyəsinin artırılması və təkmilləşdirilməsidir.
Fevralın 1-2-də isə Samuxda Goranboy, Gəncə, Samux, Qazax, Şəki və Qaxı təmsil edən atletlər körpücük üzərinə çıxacaqlar.
Yanvarın 30-da Lənkəranda bütün yaş qrupları üzrə keçirilən yarışıların nəticələri ilə aşağıda tanış ola bilərsiniz:
NƏTİCƏLƏR – 30 YANVAR 2017-Cİ İL
The requested album cannot be loaded at this time. Error: OAuthException Code: 10, (#10) Application does not have permission for this action