28 may-04 iyun 2011-ci il tarixlərdə Almaniyanın Haynshayn şəhərində Usta Ağır Atletlər arasında Avropa çempionatı kemirilmişdir. Ölkəmizi bu mötəbər yarışda aşağıda adları qeyd olunan Milli yığma komandamızın usta atletləri təmsil etmişdilər.
Avropa çempionatında 28 ölkənin 490 usta atleti iştirak etmişdir.
Belə ki, Dünya rekordçusu Alıyev Akif M-4 yaş qrupu üzrə 56 kq çəki dərəcəsində birdən qaldırma hərəkətində 77 kq, təkanla isə 95 kq çəkinin öhdəsindən gələrək Avropa çempionatının qızıl medalına layiq görülmüşdür.
Digər atletlərimizdən Tağıyev Zəfər M-1 yaş qrupu üzrə 77 kq çəki dərəcəsində birdən qaldırma hərəkətində 110 kq, təkanla isə 140 kq, Kərimov Ağakərim isə M-1 yaş qrupu üzrə +105 kq çəki dərəcəsində, birdən qaldırma hərəkərində 140 kq, təkanla 168 kq çəkinin öhdəsindən gələrək çempionatın gümüş medalına layiq görülmüşdülər.
Milli yığma komandamız 05 iyun 2011-ci il tarixində vətənə dönmüşdülər. Növbəti 22-ci kişilər 20-ci qadınlar arasında Avropa çempionatı 2012-ci ildə Lənkəran şəhərində keçiriləcəkdir.
