İndoneziyanın Cənubi Sumatra əyalətinin paytaxtı Palembanq şəhərində təşkil olunan 3-cü İslam Oyunlarında ağır atletlərimizin uğurlu çıxışı davam edir. Bu gün artıq üçüncü idmançımız da medal qazandı. Əfqan Bayramov (77 kq) və Namiq Cəmilovdan (85 kq) sonra İntiqam Zairov da fəxri kürsüdə yer alıb. O, 94 kq çəki dərəcəsində mübarizə aparıb.
Atletimiz birdən qaldırma hərəkətin 165 kq, təkanla qaldırmada isə 200 kq-ı ram edib.
Toplamda 365 kq (165 kq + 200 kq) nəticə göstərən İntiqam Zairov İslam Oyunlarının gümüş medalına sahib çıxıb.
Təbrik edirik!
