Dekabrın 6-da Bakıdakı Ağır Atletika Akademiyasının İdman Mərkəzində IWF Qran-Prix – II Beynəlxalq Bakı Kuboku yarışlarının təntənəli açılış mərasimi keçirildi. Tədbirdə bir çox qonaqlar iştirak etdi ki, onların içərisində Beynəlxalq Ağır Atletika Federasiyasının (IWF) prezidenti Tomaş Ayan, Avropa Ağır Atletika Federasiyasının prezidenti Antonio Urso, Gənclər və idman naziri Azad Rəhimov və onun müavini, Ağır Atletika Federasiyasının I vitse-prezidenti İsmayıl İsmayılov da vardı. Açılışda çıxış edən qonaqlar son illərdə Azərbaycanda idmanın, xüsusilə də ağır atletikanın sürətlə inkişaf etdiyini vurğuladılar.
Sonra IWF prezidenti Tomaş Ayan gənclər və idman naziri Azad Rəhimov və Azərbaycan Ağır Atletika Federasiyasının prezidenti Cahangir Əsgərovu xüsusi diplomla mükafatlandırdı. Hər iki diplom gənclər və idman nazirinə təqdim olundu. Daha sonra Azad Rəhimov yarışı açıq elan etdi.
Açılış mərasimi konsert proqramı ilə davam etdi. Bu mərasimdən çəkilən fotoları sizə təqdim edirik:
The requested album cannot be loaded at this time. Error: OAuthException Code: 10, (#10) Application does not have permission for this action
