1-2 oktyabr tarixlərində Şüvəlan qəsəbəsində yerləşən Ağır Atletika Akademiyasının yarış zalında keçirilən gənclər (20 və 23 yaşlı gənc oğlan və qızlar) arasında ağır atletika üzrə Azərbaycan birinciliyində ikinci yarış gününə start verilib. İlk olaraq körpücük üzərinə çəkisi 73 kq-a qədər oğlanlar çıxıb.
Yaşı 20-yə qədər olan idmançılar arasında bu çəkidə toplam 253 kq (111+142) nəticə göstərən Rəhim Kazımov qızıl, toplam 208 kq (92+116) nəticə ilə Nəcəf Nəzərov gümüş, toplam 201 kq (86+115) nəticə ilə Kamal İsmayılov bürünc medala sahib çıxıblar.
Yaşı 23-ə qədər olan idmançılar arasında isə fəxri kürsünün ən yüksək pilləsinə toplam 262 kq (120+142) nəticə ilə Kənan Xəlilov qalxıb. Sonrakı pillələrdə müvafiq olaraq toplam 251 kq (110+141) nəticə ilə Ruslan Həsənov və toplam 206 kq (100+106) nəticə ilə Nizmai Həsənov qərarlaşıblar.
Təbrik edirik!
Yarışda ölkənin bütün regionlarından yüzə yaxın atlet iştirak edir.
Çempionatın təşkilində məqsəd ağır atletika idman növünün şəhər, rayon, qəsəbə və kəndlərdə təbliği və inkişafı, idmançıların ustalıq səviyyəsinin artırılması və təkmilləşdirilməsi, Respublikanın şəhər və rayonlarında, idman cəmiyyətlərində, klublarında və mərkəzlərində ağır atletika idman növünün inkişaf səviyyəsinin, perspektivli ağır atletlərin müəyyənləşdirilməsi, texniki cəhətdən hazırlıqlı idmançıların yığma komandalara seçilməsidir.
73 kq. U-20
| N | Adı | Şəhər | Klub | İl | Çəki | Birdən | Təkanla | Toplam |
| 1. | Rəhim Kazımov | Abşeron | Zirvə | 2004 | 69.9 | 111 | 142 | 253 |
| 2. | Nəcəf Nəzərov | Qobustan | UGİM | 2006 | 71.2 | 92 | 116 | 208 |
| 3. | Kamal İsmayılov | Yevlax | UGİM | 2003 | 71.4 | 86 | 115 | 201 |
| 4. | Fuad Qədimov | Sumqayıt | Təhsil | 2005 | 72.9 | 88 | 108 | 196 |
| 5. | Yaşar Qurbanov | Bakı | Spartak | 2007 | 69.4 | 82 | 110 | 192 |
| 6. | Fərid Mərdanov | Sumqayıt | Olimp | 2006 | 67.5 | 89 | 100 | 189 |
| 7. | Məmməd Əhmədzadə | Abşeron | Zirvə | 2007 | 72.4 | 84 | 103 | 187 |
73 kq. U-23
| N | Adı | Şəhər | Klub | İl | Çəki | Birdən | Təkanla | Toplam |
| 1. | Kənan Xəlilov | Neftçala | Herkules | 1999 | 72.6 | 120 | 142 | 262 |
| 2. | Ruslan Həsənov | Gəncə | ADAU | 2000 | 70.9 | 110 | 141 | 251 |
| 3. | Nizami Həsənov | Gəncə | UGİŞM-2 | 2001 | 72.6 | 100 | 106 | 206 |
