19-25 oktyabr tarixlərində Malayziyanın Penanq şəhərində Yeniyetmələr arasında ağır atletika üzrə 6-cı dünya birinciliyi keçiriləcək. Yarışda yüzdən çox ölkədən 370 atlet (155 qadın, 215 kişi) mübarizə aparacaq. Birincilikdə Azərbaycan yığmasının üzvləri də körpücük üzərinə çıxacaqlar.
Gənc atletlərimizdən İsa Rüstəmov 62 kq çəki dərəcəsində A qrupunda yarışıb. O, birdən qaldırma hərəkətində 116 kq-ı ram edib və 10-cu yeri tutub. Təkanla qaldırma hərəkətində atlet 143 kq-ı başı üzərinə qaldırıb və bu hərəkətdə 8-ci yeri tutub. Toplam 259 kq (116+143) nəticə ilə İsa dünya birinciliyində 7-ci yeri tutub.
