6 – 15 dekabr tarixlərində Bəhreynin paytaxtı Manama şəhərində keçirilən ağırlıqqaldırma üzrə dünya çempionatı edir. Yarışda iştirak edən Azərbaycan yığma komandasının idmançısı İsa Rüstəmov (73 kq) bugün körpücük üzərinə çıxıb.
B qrupunda yarışan atletimiz birdən qaldırma hərəkətində 150 kq nəticə göstərərək 4-cü olub. Təkanla qaldırma hərəkətində 178 kq ağırlığı başı üzərinə qaldıran Rüstəmov bu dəfə də 4-cü yerdə qərarlaşıb. Təmsilçimiz toplam çəkidə 328 kq (150+178) nəticəyə imza ataraq B qrupunda mübarizəni 4-cü yerdə başa vurub. Qeyd edək ki, 73 kq çəki dərəcəsində yekun sıralama A qrupunda yarışan idmançıların çıxışlarından sonra bəlli olacaq.
