13-14 sentyabr tarixlərində Şüvəlan qəsəbəsində yerləşən Ağır Atletika Akademiyasının yarış zalında keçirilən gənclər arasında ağır atletika üzrə Azərbaycan birinciliyində ilk yarış günü başa çatıb. Yarışda ölkənin bütün regionlarından klub və cəmiyyətləri təmsil edən yüzə yaxın atlet iştirak edir.
Son olaraq yaşı 20-yə qədər olan atletlər 69 kq çəki dərəcəsində qüvvələrini sınayıblar. Toplam 260 kq (125+135) nəticə ilə Kənan Xəlilov qızıl medalı boynundan asıb. İkinci yeri 235 kq (105+130) nəticə ilə Nurlan Rəsulov, üçüncü yeri isə 214 kq (97+117) nəticə ilə Sahibov Həsənağa tutub.
Yaşı 23-ə qədər olan gənclər arasında mütləq qaliblər sabah bütün yarışlar bitəndən sonra məlum olacaq.
Çempionatın təşkilində məqsəd idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.
69 kq. A qrupu.
| N | Adı | İl | Şəhər | Klub | Çəki | Birdən | Təkanla | Toplam |
| 1. | Xəlilov Kənan | 1999 | Neftçala | Zirvə | 69.00 | 125 | 135 | 260 |
| 2. | Rəsulov Nurlan | 2002 | Xırdalan | Zirvə | 68.20 | 105 | 130 | 235 |
| 3. | Sahibov Həsənağa | 2002 | Qobustan | UGİM | 64.90 | 97 | 117 | 214 |
| 4. | Əskərzadə Samir | 2002 | Neftçala | Zirvə | 64.40 | 98 | 115 | 213 |
69 kq. B qrupu.
| N | Adı | İl | Şəhər | Klub | Çəki | Birdən | Təkanla | Toplam |
| 1. | Usubov Fərid | 1997 | Neftçala | Zirvə | 65.5 | 95 | 120 | 215 |
| 2. | Həsənov Ruslan | 2000 | Gəncə | Təhsil | 65.3 | 90 | 115 | 205 |
| 3. | Həsənov Nizami | 2001 | Gəncə | Təhsil | 69.0 | 92 | 110 | 202 |
| 4. | Muxtarlı Novruz | 2002 | Sumqayıt | Təhsil | 64.5 | 85 | 110 | 195 |
| 5. | Qarayev Nurlan | 2002 | Gəncə | Təhsil | 66.5 | 80 | 95 | 175 |
| 6. | Yusifov Murad | 2003 | Goranboy | Zirvə | 68.6 | 80 | 90 | 170 |
The requested album cannot be loaded at this time. Error: OAuthException Code: 10, (#10) Application does not have permission for this action
