Murad Əliyev də yarışa qoşuldu

21-31 may tarixlərində Özbəkistanın paytaxtı Daşkənddə keçirilən gənclər arasında ağır atletika üzrə dünya birinciliyinə start verilib. 53 ölkədən 244 (139 kişi + 105 qadın) atletin qatılacağı yarışda Azərbaycan yığmasının üzvləri də qüvvələrini sınayacaqlar.

Bu gün baş məşqçilər Oktay Muxtarov (yeniyetmələr) və Maksum Xasanovun (gənclər) rəhbərliyi altında komandamızın daha bir üzvü Murad Əliyev körpücük üzərinə çıxıb. O, 67 kq çəki dərəcəsinin B qrupunda yarışıb. İdmançımız toplam 271 (128+143) kq nəticə ilə bu qrupda 3-cü, yekun sıralamada isə 10-cu yeri tutub.