Şüvəlan qəsəbəsindəki Ağır Atletika Akademiyasının yarış zalında keçirilən ağır atletika üzrə Azərbaycan Kubokunda son olaraq 89, 96, 102, 109 və +109 kq çəki dərəcələrində mübarizə aparan kişilər yarışıb.
96 kq çəki dərəcəsində qalib adını Nailxan Nəbiyev qazanıb. Ağır atletimiz yarışdan sonra fikirlərini AAAF TV ilə bölüşüb və ölkə kubokunu dekabr ayında Misirdə baş tutacaq lisenziya xarakterli turnir üçün əhəmiyyətli yarış hesab edib: “Ölkə kuboku Misirdəki turnirdən öncə yaxşı hazırlıq idi. Dekabrın əvvəlində Qahirədə baş tutacaq yarışda da qalib gələcəyimə inanıram”.
