Ömər Cavadov Avropa birinciliyində qızıl medal qazandı!

24 oktyabr – 4 noyabr tarixlərində Polşanın Raşin şəhərində keçirilən ağırlıqqaldırma üzrə gənclər və 23 yaşadək atletlər arasında Avropa birinciliyi davam edir. Yarışda Azərbaycan yığma komandasının üzvləri də çıxış edirlər.
Bu gün onlardan daha ikisi – Ömər Cavadov və Füqan Əliyev körpücük üzərinə çıxıb. Onlar yaşı 23-ə qədər olan atletlər arasında 81 kq çəki dərəcəsində yarışıblar.
Füqan Əliyev birdən qaldırma hərəkətində 146 kq-la 7-ci olub, təkanla qaldırma hərəkətini nəticəsiz başa vurub.
Ömər Cavadov isə birdən qaldırma hərəkətində 155 kq-ı ram edərək bu hərəkətdə Avropa birinciliyinin qalibi olub. O, təkanla qaldırma hərəkətini nəticəsiz başa vurub.
Təbrik edirik!