13-14 sentyabr tarixlərində Şüvəlan qəsəbəsində yerləşən Ağır Atletika Akademiyasının yarış zalında keçirilən gənclər arasında ağır atletika üzrə Azərbaycan birinciliyinə start verilib. Yarışda ölkənin bütün regionlarından klub və cəmiyyətləri təmsil edən yüzə yaxın atlet iştirak edir.
Körpücük üzərinə ilk qadınlar çıxıb. Yaşı 20 və 23-ə qədər olan qruplarda qaliblər Sinkleyr cədvəli üzrə müəyyən edilib.
Yaşı 20-yə qədər olan gənc qadınlar arasında qızıl medala toplam 170 kq (70+100) nəticə və 246.30 xalla Səbinə Əzimova layiq görülüb. Anna Opanasyuk ikinci, Fidan Abdurrəhmanova üçüncü yeri tutub.
Yaşı 23-ə qədər olan gənc qadınlar arasında isə fəxri kürsünün ən yüksək pilləsinə toplam 177 kq (82+95) nəticə və 236.88 xalla Firuzə İbrahimova yüksəlib. Mərziyyə Məhərrəmova ikinci, Günel Vəliyeva üçüncü pillədə qərarlaşıb.
Çempionatın təşkilində məqsəd idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.
Qadınlar
20 yaş
| N | Adı | İl | Şəhər | Klub | Çəki | Birdən | Təkanla | Toplam | Xal |
| 1. | Əzimova Səbinə | 2000 | Lənkəran | Zirvə | 54.10 | 70 | 100 | 170 | 246.30 |
| 2. | Opanasyuk Anna | 2003 | Lənkəran | Zirvə | 58.00 | 56 | 73 | 129 | 178.17 |
| 3. | Abdurəhmanova Fidan | 1999 | Bakı | Təhsil | 89.00 | 68 | 85 | 153 | 168.78 |
| 4. | Muxtarlı Günel | 2003 | Sumqayıt | Zirvə | 42.50 | 43 | 50 | 93 | 163.14 |
| 5. | Hüseynzadə Fidan | 2001 | Lənkəran | Zirvə | 68.80 | 60 | 70 | 130 | 161.93 |
| 6. | Fərəcova Şəfa | 2001 | Lənkəran | Zirvə | 54.40 | 47 | 60 | 107 | 154.22 |
| 7. | Verdiyeva Nazilə | 1998 | Sumqayıt | Zirvə | 68.00 | 48 | 53 | 101 | 139.50 |
23 yaş
| N | Adı | İl | Şəhər | Klub | Çəki | Birdən | Təkanla | Toplam | Xal |
| 1. | İbrahimova Firuzə | 1997 | Sumqayıt | Zirvə | 60.90 | 82 | 95 | 177 | 236.88 |
| 2. | Məhərrəmova Mərziyə | 1996 | Goranboy | Zirvə | 48.40 | 65 | 83 | 148 | 233.06 |
| 3. | Vəliyeva Günel | 1997 | Xırdalan | Zirvə | 62.60 | 75 | 89 | 164 | 215.77 |
| 4. | Əlizadə Gülçin | 1997 | Qazax | Zirvə | 58.50 | 65 | 85 | 150 | 206.01 |
The requested album cannot be loaded at this time. Error: OAuthException Code: 10, (#10) Application does not have permission for this action
