Rəhilə Hüseynova medal mübarizəsi apardı

22-29 iyul tarixlərində İtaliyanın Milan şəhərində keçirilən 15 və 17 yaşa qədər yeniyetmə oğlan və qızlar arasında ağır atletika üzrə Avropa birinciliyi davam edir. 40-a yaxın ölkədən 388 atletin (169 qız və 219 oğlan) iştirak etdiyi turnirdə Azərbaycan yığma komandasının üzvləri də qüvvələrini sınayırlar.

Bu gün millimizdən körpücük üzərinə Rahilə Hüseynova çıxıb. O, yaşı 15-ə qədər olan qızların mübarizəsində 69 kq çəki dərəcəsində yarışıb.

Rahilə birdən qaldırma hərəkətində 63 kq nəticə ilə 5-ci, təkanla qaldırma hərəkətində isə 68 kq nəticə ilə 7-ci yeri tutub. Toplam 131 kq (63+68) nəticə göstərən Hüseynova bu çəkinin yekununda 7-ci pillədə qərarlaşıb.