10-13 noyabr tarixlərində Şimal Dres qəsəbəsindəki Ağır Atletika Akademiyasında ağır atletika üzrə kişilər və qadınlar arasında Azərbaycan Kuboku keçirilir. Yarışda ölkənin bütün regionlarında fəaliyyət göstərən klub və idman cəmiyyətlərindən 200-ə yaxın atlet çıxış edir.
Artıq ilk qalib və medalçılar müəyyənləşib. Yeniyetmə qızların mübarizəsində Avropa birinciliklərinin ikiqat qalibi Səbinə Əzimova 149 kq (64+85) nəticə və 215.7 xalla qızıl medal qazanaraq mütləq çempion olub.
Sonrakı yerləri müvafiq olaraq 146 kq (58+78) və 179.8 xalla Rzazadə Lalə, 136 kq (61+75) nəticə 168.2 xalla Hüseynzaə Fidan tutub.
Sinkleyr cədvəli üzrə müəyyənləşən qalibləri Azərbaycan Ağır Atletika Federasiyasının vitse-prezidenti Azər Əliyev, “Zirvə” Beynəlxalq İdman Klubunun prezidenti Tofiq Heydərov və Azərbaycan Gənclər və İdman Nazirliyinin məsul işçisi Fəxrəddin İsmayılov mükafatlandırıb.
Kubokun təşkilatçıları Azərbaycan Ağır Atletika Federasiyasi və Azərbaycan Gənclər və İdman Nazirliyidir.
| N | Ad | Klub | Şəhər | İl | ŞÇ | B. | Tək. | Top. | Sink. |
| 1. | Səbinə Əzimova | Zirvə | Lənkəran | 2000 | 51.10 | 64 | 85 | 149 | 215.7 |
| 2. | Rzazadə Lalə | Zirvə | Lənkəran | 2001 | 57.50 | 58 | 78 | 146 | 179.8 |
| 3. | Hüseynzadə Fidan | Zirvə | Lənkəran | 2001 | 63.50 | 61 | 75 | 136 | 168.2 |
| 4. | Muxtarlı Günel | Zirvə | Sumqayıt | 2003 | 32.10 | 28 | 40 | 68 | 159.5 |
| 5. | Fərəcova Şəfa | Zirvə | Lənkəran | 2001 | 51.10 | 47 | 58 | 105 | 152.0 |
| 6. | Nəzərli Gülbəniz | Zirvə | Lənkəran | 2002 | 46.80 | 45 | 52 | 97 | 151.5 |
| 7. | Abdürrəhmanova Fidan | Spartak | Bakı | 1999 | 83.50 | 48 | 60 | 108 | 116.5 |
| 8. | İsmayılova Ləman | Zirvə | Sumqayıt | 1999 | 53.50 | – | – | – | – |
The requested album cannot be loaded at this time. Error: OAuthException Code: 10, (#10) Application does not have permission for this action
