01 – 09 aprel tarixlərində Azərbaycanın bütün bölgələrini əhatə edən ağır atletika üzrə Respublika yarışlarının 2-ci seçmə mərhələsi yarışları keçiriləcək. Məqsəd regionlarda atletlərin hazırlıq durumlarının yoxlanılması, ehtiyat qüvvənin nəzərdən keçirilməsi, güclü idmançıların seçilməsi, ağır atletika idman növünün şəhər, rayon, qəsəbə və kəndlərdə təbliği və inkişafı, idmançılar və məşqçılər arasında dostluq əlaqələrinin möhkəmləndirilməsi, idmançıların ustalıq səviyyəsinin artırılması və təkmilləşdirilməsidir.
Yarışlar Xırdalan, Lənkəran və Samux şəhərlərində keçiriləcək. Xırdalanda aprelin 01-02-də Sumqayıt, Xırdalan, Qobustan, Şamaxı, İsmayıllı və Bakıdan (bütün idman cəmiyyətləri) olan atletlər mübarizəyə qoşulacaqlar. 5-6 aprel tarixlərində Lənkəranda Cəlilabad, Neftçala, Lənkəran, Lerik və Astaranı, 8-9 apreldə isə Samuxda Goranboy, Gəncə, Yevlax, Samux, Qazax, Şəki və Qaxı təmsil edən atletlər körpücük üzərinə çıxacaqlar.
Yarış şəxsi xarakter daşıyır və iştiraka yalnız texniki cəhətdən hazırlıqlı, yaşı ən azı 10 olan idmançılar buraxılacaqlar. Zona turnirində 2007, 2006, 2005, 2004, 2003, 2002, 2001, 2000, 1999-cü il və daha böyük təvəllüdlü kişilər və qadınlar, müvafiq yaş qruplarında mübarizə aparacaqlar, qaliblər Sinkleyr cədvəli üzrə müəyyən ediləcəkdir.
Seçmə mərhələ yarışlarına qatılacaq idmançıların ilkin yanaşma tələbləri:
| № | Çəki dərəcələri/kq/ | 16 yaş /kq/ | 15 yaş /kq/ | 14 yaş /kq/ | 13 yaş /kq/ | 12 yaşadək /kq/ |
| 1 | 26 | 65 | 55 | 45 | 35 | 30 |
| 2 | 30 | 70 | 60 | 50 | 40 | 35 |
| 3 | 34 | 75 | 65 | 55 | 45 | 40 |
| 4 | 38 | 80 | 70 | 60 | 50 | 45 |
| 5 | 42 | 85 | 75 | 65 | 55 | 50 |
| 6 | 46 | 90 | 80 | 70 | 60 | 55 |
| 7 | 50 | 95 | 85 | 75 | 70 | 60 |
| 8 | 56 | 105 | 90 | 80 | 75 | 65 |
| 9 | 62 | 115 | 100 | 85 | 80 | 70 |
| 10 | 69 | 130 | 110 | 90 | 85 | 75 |
| 11 | +69 | 145 | 125 | 105 | 95 | 85 |
* 17 yaşlı idmançılar üçün ilkin yanaşma – III dərəcə
* 18 yaş və daha böyüklər üçün ilkin yanaşma – II dərəcə
Seçmə mərhələ yarışları təqvim planına əsasən 3 zona üzrə ildə 4 dəfə keçiriləcəkdir.
Yarışların vaxt cədvəli ilə aşağıdakı cədvəllərdə tanış ola bilərsiniz:
Abşeron. 1-2 aprel.
| Qrup | Yarış |
| 1 aprel | |
| Qadınlar və 2007-ci illər | 11:00 |
| 2006-cı illər | 12:30 |
| 2005-ci illər | 13:30 |
| 2004-cü illər | 15:30 |
| 2003-cü illər | 17:30 |
| 2 aprel | |
| 2002-ci illər | 11:00 |
| 2001-ci illər | 12:30 |
| 2000-ci illər | 14:30 |
| 1999-cu illər və yuxarı | 15:30 |
Çəkilmə hər yarış qrupundan 2 saat öncə başlanır.
Lənkəran. 5-6 aprel.
| Qrup | Yarış |
| 5 aprel | |
| Qadınlar və 2007-ci il oğlanlar | 11:00 |
| 2006-cı illər | 13:30 |
| 2005-ci illər | 15:00 |
| 2004-cü illər | 18:00 |
| 6 aprel | |
| 2003-cü illər | 11:00 |
| 2002-ci illər | 12:30 |
| 2001-ci illər | 14:00 |
| 2000-ci, 1999-cu illər və yuxarı. | 15:30 |
Çəkilmələrin hamısı müvafiq qrupların çıxış etdikləri gün səhər saat 09:00-da başlanır.
Samux. 8-9 aprel
Aprelin 8-də Şəki, Qax, Yevlax və Gəncə, 9-da isə Goranboy, Qazax və Samuxdan olan atletlər körpücük üzərinə çıxacaqlar. Çəkilmə günün əvvəlində – saat 09:00-da başlanacaq. Günlərin vaxt cədvəli yerində tərtib olunacaqdır.
