Bu gün Tofiq Cəbrayılovun 70 yaşı tamam olur.
Tofiq Əli oğlu Cəbrayılov 1947-ci il avqust ayının 5-d Bakı şəhərində fəhlə ailəsində anadan olub. Pedaqoji və idman təhsili alan mütəxəssis uzun müddət məşqçilik fəaliyyəti ilə məşğul olub, yetirmələri Respublika birinciliklərində mükafata layiq yerlər tutublar. Fəaliyyətinə görə Azərbaycan Respublikasının “Fəxri Bədən Tərbiyəsi və İdman İşçisi” adına layiq görülüb.
Ağır atlet kimi bir çox yarışlarda çıxış edib və SSRİ İdman Ustası adını qazanıb. 40 ildən çoxdur hakimliklə məşğuldur və Beynəlxalq dərəcəli hakimdir. Uzun müddət Azərbaycan Ağır Atletika Federasiyasının Rəyasət Heyətinin üzvü olub.
Bununla yanaşı, Azərbaycan Dövlət Pedaqoji Universitetində 40 ilə yaxın müddətdə baş müəllim vəzifəsində çalışıb və çox sayda təşəkkürnamə, fəxri fərman və fərqlənmələrlə təltif olunub.
Hazırda əmək və idman veteranıdır.
Federasiya kollektivi olaraq Tofiq Cəbrayılovu 70 illik yubileyi münasibətilə təbrik edir, ona uzun ömür, can sağlığı arzulayırıq!
