7-8 fevral tarixlərində Şüvəlan qəsəbəsində yerləşən Ağır Atletika Akademiyasının yarış zalında keçirilən kişilər və qadınlar arasında Azərbaycan çempionatı start götürüb. Azərbaycan Gənclər və İdman Nazirliyi və Azərbaycan Ağır Atletika Federasiyasının birgə təşkil etdiyi yarışda ölkənin bütün bölgələrindən 100-ə yaxın atlet qüvvəsini sınayır.
Kişilər arasında ilk olaraq çəkisi 55 kq-a qədər olan idmançılar qalibi müəyyənləşdiriblər. Toplam 190 kq (88+102) nəticə göstərən Tehran Məmmədov rəqiblərini üstələyərək fəxri kürsünün ən yüksək pilləsinə qalxıb. İkinci yerə toplam 176 kq (79+97) nəticə ilə Əvəz Tağıyev, üçüncü yerə isə toplam 161 kq (71+90) nəticə ilə İsmayıl Qəmbərzadə çıxıb.
Təbrik edirik!
Çempionatın təşkilində məqsəd idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.
Kişilər. 55 kq
| N | Adı | İl | Şəhər | Klub | Çəkisi | Birdən | Təkanla | Toplam |
| 1. | Məmmədov Tehran | 2002 | Qobustan | UGİM | 54.6 | 88 | 102 | 190 |
| 2. | Tağıyev Əvəz | 2002 | Neftçala | Zirvə | 49.9 | 79 | 97 | 176 |
| 3. | Qəmbərzadə İsmayıl | 2003 | Lənkəran | Təhsil | 54.7 | 71 | 90 | 161 |
| 4. | Hüseynli Fizuli | 2002 | Sumqayıt | Təhsil | 54.9 | 67 | 78 | 145 |
| 5. | Cavadov Ömər | 2002 | Xırdalan | Zirvə | 54.6 | 90 | – | – |
The requested album cannot be loaded at this time. Error: OAuthException Code: 10, (#10) Application does not have permission for this action
