5-28 may tarixlərində Xırdalan və Astara şəhərlərində yerləşən AAAF Park Yaşayış, İdman, İstirahət və Əyləncə Komplekslərində keçiriləcək Ümummilli lider Heydər Əliyevin anadan olmasının 96-cı ildönümünə həsr olunmuş, uşaqlar arasında 7-ci “Zirvə Oyunları” davam edir. 27 idman növündə 12 ölkədən olan 4 mindən çox idmançı uşağın qüvvəsini sınayacağı yarışlarda ilk olaraq ağır atletika üzrə qaliblər müəyyən edilir.
7 ölkədən – Azərbaycan, İran, Gürcüstan, Türkiyə, İsrail, Moldova və Ukraynadan olan 200-ə yaxın uşaq ağır atletin qatılacağı turnirdə ikinci yarış günündə oğlanlar 61 kq çəki dərəcəsində mübarizə aparıblar.
Türkiyəli atlet Aladdin Sayın toplam 176 kq (78+98) nəticə ilə qızıl medal qazanıb. Bu, qardaş ölkə təmsilçilərinin sayca üçüncü belə uğuru olub. Yarışa qatılan hər üç türkiyəli atlet fəxri kürsünün ən yüksək pilləsinə qalxa bilib.
Bu çəkidə gümüş medalı iranlı Abolfazl Hacıpur 169 kq (76+93) nəticə ilə əldə edib. Bürünc medal isə Lənkəran atleti Hüseyn Heydərova qismət olub. O, toplam 142 kq (64+78) nəticə göstərib.
61 kq
| N | Adı | İl | Ölkə/Şəhər | Klub | Çəki | Birdən | Təkanla | Toplam |
| 1. | Aladdin Sayın | 2005 | Türkiyə | Zirvə | 56.3 | 78 | 98 | 176 |
| 2. | Hajipor Abolfazl | 2006 | İran | Zirvə | 60.4 | 76 | 93 | 169 |
| 3. | Heydərov Hüseyn | 2008 | Lənkəran | Zirvə | 59.8 | 64 | 78 | 142 |
| 4. | Güləlıyev Baloğlan | 2005 | Qobustan | Zirvə | 57.6 | 60 | 75 | 135 |
| 5. | Əlirzayev Məqsəd | 2005 | Qazax | Zirvə | 58.3 | 52 | 67 | 119 |
| 6. | Hüseynov İsmayıl | 2006 | Lənkəran | Zirvə | 59.0 | 53 | 60 | 113 |
| 7. | İbrahimov Sübhan | 2005 | Qazax | Zirvə | 57.1 | 50 | 55 | 105 |
| 8. | Babayev Xəyal | 2007 | Bakı | Təhsil | 59.0 | 45 | 55 | 100 |
| 9. | Muxtarlı Cavidan | 2006 | Sumqayıt | Zirvə | 60.5 | 42 | 53 | 95 |
| 10. | Şahverdiyev Ramin | 2006 | Lerik | Zirvə | 60.0 | 40 | 52 | 92 |
“Zirvə Oyunları”nda idmançılar ağır atletika, atçılıq, atıcılıq, basketbol, boks, cüdo, futbol və çimərlik futbolu, bədii və idman gimnastikası, güləş (sərbəst, yunan-roma), karate, kartinq, kikboksinq, qılıncoynatma, kamandan oxatma, pauerliftinq, şahmat, taekvondo, tennis və stolüstü tennis, üzgüçülük, çimərlik voleybolu və voleybol, badminton, atletika növlərində medal mübarizəsinə qoşulacaqlar.
“Zirvə” Beynəlxalq İdman Klublarının təşkilatçılığı ilə keçirilən bu Oyunları böyük ənənə halını almaqdadır. “Zirvə Oyunları”nın keçirilməsində məqsəd dahi liderin irsinin yaşadılması, onun ölkəmiz üçün etdiyi işlərin gələcək nəsillərə çatdırılması, eyni zamanda, idman növlərinin yerlərdə təbliği və inkişafı, idmançılar və məşqçilər arasında dostluq əlaqələrinin möhkəmləndirilməsi, idmançıların ustalıq səviyyəsinin artırılması və təkmilləşdirilməsi,yarış vərdişlərinin mükəmməlləşdirilməsi, məşqçi-müəllimlərin işlərinin qiymətləndirilməsidir.
